اللي أنت شايفه مش بالظبط اللي مخك فاهمه

عمرك سألت نفسك : ليه بعض المواقع أو التطبيقات بنحبها ونرتاح لها من أول لحظة وبتسيب عندنا إنطباع جيد كتجربة ، وليه البعض الآخر نحس معاها بالملل أو نتوه فيها ..؟!

السر مش بس في ال UI كألوان أو خطوط ، السر الحقيقي في فهم البشر اللي بيتقدم لهم ده ، وفهمك إزاي بيشوفوا بيفكروا وبيتفاعلوا معاه ..

وده كان سبب إني أبتديت قراية واحد من أقوى الكتب في ال UI/UX Design وهو كتاب :
"100 Things Every Designer Needs to Know About People" 💙

واللي يعتبر دليل ذهبي لجمعه بين علم النفس وفن التصميم والربط بينهم بشكل بسيط ،، وتقديمه لقواعد مدروسة واللي بتعمق نظرتنا للتصميم عن طريق فهمنا للمستخدمين اللي بنصمم ليهم ..⁦⁦👌🏻⁩

الفكرة الأساسية للكتاب إن التصميم مش بس شكل حلو ، لكن لازم يعتمد على فهم واعي وعميق لطريقة تفكير الناس وسلوكهم ، عشان تقدر تقدم تجربة إستخدام فعالة وسهلة وتُلبي إحتياجاتهم بناءاً على أسس نفسية علمية صحيحة ..

وع مدار قراءتي للكتاب وإستكشافي للقواعد دي ، هشارك معاكم دايماً وبشكل مستمر أهم الدروس اللي بتعملها منه بشكل مبسط ،، عشان نقدر نعمق فهمنا عن المستخدمين سوا ونصمم لهم تجارب أذكى وأقرب لإحتياجاتهم ..⁦💪🏻⁩💡

والبداية هتكون بأول فصل في الكتاب بعنوان :" How People See"
واللي بيبدأ بحقيقة مهمة : إن "الرؤية" هي الحاسة الأقوى بين كل الحواس ، ونص موارد دماغنا مخصصة بس عشان نستقبل ونفسر اللي بنشوفه ،، اللي بتلقطه عينينا مش هو القصة كاملة لأ ، لأن الصورة الحقيقية بتتشكل جوا دماغنا وهو اللي بيرسمها ويديها المعنى ..
إحنا في الحقيقة "بنشوف" بعقولنا قبل ما نشوف بعينينا ! ⁦👌🏻⁩

ونيجي بقى لأول قاعدة في الكتاب :
📌 القاعدة رقم (1) : What You See Isn't What Your Brain Gets !

واللي بتنص على الآتي ⁦👇🏻⁩
اللي إنت متوقع إن الناس هتشوفه على موقعك الإلكتروني أو التطبيق بتاعك مش بالضرورة يكون هو اللي هما فعلاً شايفينه !
لإن نظرتهم للتصميم بتاعك بتعتمد على خلفيتهم ومدى معرفتهم بالمحتوى اللي بيتصفحوه ، وكمان توقعاتهم المسبقة ..
وإنت ك Designer تقدر توجه وتقنع المستخدم برؤية المحتوى بطريقة معينة من خلال طريقة عرضك ليه ، لأن طريقة العرض مش بس بتنقل المحتوى لكنها كمان بتشكل إدراك الناس ليه ..

وختاماً ؛ أستنوني في القاعدة الجاية ،، وكل قاعدة بتقربنا لفهم أعمق للمستخدم ..⁦💡⁩✨

hashtag#100_Things_Every_Designer_Needs_to_Know_About_People_in_Arabic hashtag#uiuxdesign hashtag#Psychology

مقالات مشابهة

21 مايو 2026١ دقيقة

الرؤية المحيطية عند المستخدم أهم من الرؤية المركزية لفهم اللي بيشوفه

حصل معاك قبل كدا إنك كنت مركز على قراية حاجة على موقع ما ، وفجأة ظهرلك إعلان على جنب شد إنتباهك وشتت تركيزك ؟ ومهما حاولت تتجاهله فعينك فضلت تروح عليه تلقائي !👀 ده بالظبط اللي بتتكلم عنه قاعدتنا التانية النهاردة في كتاب "100 Things Every Designer Needs to Know About People" ⁦💙 واللي لسة مكملين رحلتنا فيه في الفصل الأول منه بعنوان :" How People See" 📌 القاعدة رقم (2) : Peripheral Vision Is Used More Than Central Vision To Understand The Essence of What You See ! واللي بتنص على الآتي ⁦👇🏻⁩ إننا كبشر عندنا نوعين من الرؤية : الرؤية المركزية (Central Vision) والرؤية المحيطية (Peripheral Vision) .. الرؤية المركزية هي اللي بنستخدمها أثناء نظرنا للأشياء بشكل مباشر ولرؤية التفاصيل ،، بينما الرؤية المحيطية خاصة برؤية بقية المجال البصري (المناطق اللي بتشوفها في محيط رؤيتك بدون التوجه ليها بنظرك بشكل مباشر) .. أهمية الرؤية المركزية إنها بتساعدنا في التعرف على أشياء محددة ،، بينما بترجع أهمية الرؤية المحيطية إنها بتساعدنا على فهم العالم حوالينا وعن طريقها بناخد معلومات عن نوع المشهد اللي بننظر ليه ..⁦👌🏻⁩ وهنا لازم تعرف أثناء تصميمك للمنتج إن الناس بيستخدموا الرؤية المحيطية لما يبصوا لشاشة الكمبيوتر أو الفون ، وعادة بيفهموا جوهر المحتوى وبيقرروا موضوع الصفحة بناءاً على نظرة سريعة من خلال رؤيتهم المحيطية .. وده لا يعني تجاهل منتصف الشاشة لإنه مهم للرؤية المركزية ، ولكن المقصود عدم تجاهل اللي بيظهر في الرؤية المحيطية للمستخدمين ..😊 فأتأكد دايماً أن المعلومات والمحتوى الموجود في الرؤية المحيطية بتوضح الغرض من الصفحة والمنتج ككل ،، ولو عايز المستخدمين يركزوا على عنصر معين في الشاشة ، فتجنب تماماً وضع اي عناصر متحركة أو وامضة في رؤيتهم المحيطية لإنهم بيلاحظوها فوراً وبيتوجهوا بنظرهم ليها ..⁦👌🏻⁩ وختاماً ؛ أستنوني في القاعدة الجاية ،، وكل قاعدة بتقربنا لفهم أعمق للمستخدم ..⁦💡⁩✨ hashtag#100_Things_Every_Designer_Needs_to_Know_About_People_in_Arabic hashtag#uiuxdesign hashtag#Psychology

من

منة عبدالعزيزمصممة منتجات

عرض المقال